Uppå fjellet

Hu hei kor er det vel friskt og lett

uppå fjellet - uppå fjellet!

Her leikar vinden i kåte sprett

uppå fjellet - uppå fjellet

Og foten dansar, og auga lær

og hjartet kveikjande hugnad fær

uppå fjellet!

Kom upp kom upp frå den tronge dal

upp på fjellet!

her bles ein blåster so frisk og sval

uppå fjellet!

Og lii skin utav blomar full

og soli drys alt sitt fagre gull

Uppå fjellet!

I dalen stavrar du tung og heit,

Kom på fjellet!

Kor fint her er, ikkje nokon veit,

her på fjellet!

Dit auga flyg yver nut og tind,

det er som flyg det i himlen inn

uppå fjellet!

Og når no soli til kvile gjeng

attum fjellet,

då reida skuggane upp si seng

attmed fjellet

Då giddrar alt i ein strålestraum,

og hjarta sveipar seg inn i draum

uppå fjellet!

Takk for turen, mamma.

❤️

Teksten satt, den!